വ്യാഴാഴ്‌ച, ജൂലൈ 20, 2006

എന്നെ വെറുതെ വിടുക! 

എന്നെ വെറുതെ വിടുക
എന്റെ വഴികളില്‍ ഇനി നീ കടന്നു വരാതിരിക്കുക
എല്ലുന്തിയ വഴികള്‍ എനിക്കു പുതുമയല്ല
മൌനമായെന്നെ പിനിവിളിക്കാതിരിക്കുക
മനസ്സില്‍ നിന്നും, ചിന്തയില്‍ നിന്നും പടിയിറങ്ങുക
വരികള്‍ക്കിടയിലൊളിച്ചിരുന്നെന്റെ പേനയെ വഴിതെറ്റിക്കാതിരിക്കുക
രാവില്‍, കൊട്ടിയടച്ചസ്വപ്നത്തിന്റെ താക്കോല്‍‌പ്പഴുതിലൂടെ
നൂണ്ടിറങ്ങിയെന്നെ ഉണര്‍ത്താതിരിക്കുക

 

ശനിയാഴ്‌ച, ജൂലൈ 15, 2006

JUST a COMMENT...

ഇടത്തേക്കണ്ണിലൂടെ കണ്ടാല്‍, എല്ലാം ഹത്യ തന്നെ!
വലത്തെക്കണ്ണിലൂടെ കണ്ടാല്‍, എല്ലാം കര്‍ത്തവ്യം തന്നെ!
അതുകൊണ്ടെത്രേ, ദൈവം മനുഷ്യനു ഇടത്തും വലത്തും കണ്ണുകള്‍ നല്‍കിയത്!
...
Note: “ഇടത്തും“, “വലത്തും“ എന്നീ പ്രയോഗങ്ങള്‍ രാഷ്ട്രീയ സൂചകങ്ങളല്ല.

ശനിയാഴ്‌ച, ജൂലൈ 08, 2006

.
ഇന്ന്‍
ഞാന്‍ മലയാളം ബ്ലുലോഗുപാടത്തിലൂടെ കറങ്ങി നടന്നു...
മനോഹരം..!
കണ്ടതും കേട്ടതുമെല്ലാം ഇഷ്ടപ്പെടുന്നതു മാത്രം.
മനസ്സു തുറന്നു മിണ്ടുന്ന, ചിരിയ്ക്കുന്ന ഒത്തിരിപ്പേര്‍!
അവര്‍ വിതറിയ വിത്തുകള്‍
വിരിഞ്ഞ്...
വളര്‍ന്ന്‍...
നന്മയുടെ പൂക്കള്‍ വിടര്‍ത്തി
തലയാട്ടി നില്‍ക്കുന്നു.
ഒരോ അതിഥിക്കും ഒരു പുഞ്ചിരിയെങ്കിലും സമ്മാനിക്കാന്‍.
മനസ്സില്‍ നിന്നുമുള്ള ഒരു പുഞ്ചിരി!
...
ഈ മനോഹര തീരത്തു നില്‍ക്കുമ്പോല്‍
എന്നെ മറക്കുന്നെന്‍ ദു:ഖം മറക്കുന്നു
എല്ലാം മറക്കുന്നു ഞാന്‍
ഇന്നെല്ലാം മറക്കുന്നു ഞാ‍ന്‍!
...
നന്ദി, ഒരുപാടൊരുപാട്...എല്ലാവര്‍ക്കും!